Presidenti amerikan Donald Trump ka rikthyer në fokus idenë e marrjes nën kontroll të Groenlandës, duke sugjeruar se territori gjysmë-autonom i Danimarkës mund të bëhet shteti i 51-të i Shteteve të Bashkuara. Në një intervistë për Real America’s Voice, Trump u shpreh se Groenlanda është shumë e rëndësishme për sigurinë kombëtare amerikane dhe se SHBA duhet ta bëjë këtë hap para se ai të largohet nga detyra. Ai ka theksuar më parë rëndësinë strategjike të territorit dhe ka përmendur mundësinë e përdorimit të forcës, megjithatë më vonë sqaroi se nuk ka ndërmend të përdorë ushtrinë. Çështja u përmend edhe gjatë samitit të NATO-s, ku Trump insistoi se Groenlanda duhet të jetë nën kontrollin amerikan, jo të Danimarkës.