Presidenti amerikan Donald Trump ka kundërshtuar fuqishëm protestat e kryeministrit izraelit Benjamin Netanyahu lidhur me mundësinë e shitjes së avionëve luftarakë F-35 në Turqi. Ai theksoi se vendimin për shitjet e armëve e merr vetëm ai dhe se askush nuk mund t’i tregojë se kujt duhet t’i shiten ato, duke e cilësuar Turqinë si një aleat të jashtëzakonshëm. Aktualisht, SHBA-ja nuk lejon shitjen e F-35-ve për Turqinë për shkak të blerjes së sistemeve ruse të mbrojtjes ajrore S-400 nga Ankaraja, por Trump nuk e përjashton mundësinë e ndryshimit të kësaj politike. Ai pritet të takohet këtë javë me Netanyahun në Uashington dhe tha se, megjithëse ka disa dallime, janë shumë afër në qëndrimet për Iranin.