Presidenti amerikan Donald Trump pritet të ketë një rol të veçantë në finalen e Kupës së Botës 2026, duke thyer protokollin tradicional të FIFA-s. Ai do të lejohet të dorëzojë personalisht trofeun skuadrës fituese dhe të qëndrojë në podium gjatë festimeve, një praktikë që nuk është e zakonshme në ceremonitë e mëparshme. FIFA ka njoftuar Trumpin për këtë vendim, ndërsa në ngjarje do të jenë të ftuar edhe zyrtarë nga Kanadaja dhe Meksika, bashkëorganizatorët e turneut. Ky veprim vjen pas një situate të ngjashme në Kupën e Botës për Klube, ku presidenti i FIFA-s fillimisht tentoi ta largonte Trumpin nga skena, por më pas e inkurajoi të qëndronte pranë lojtarëve gjatë ngritjes së trofeut.