Presidenti amerikan Donald Trump po konsideron mundësinë e angazhimit të mijëra ushtarëve shtesë në Lindjen e Mesme për të forcuar operacionet kundër Iranit, megjithëse vetë ai ka mohuar dislokimin e trupave tokësore deri më tani. Një zyrtar i Shtëpisë së Bardhë ka deklaruar se nuk është marrë asnjë vendim për dislokim, por të gjitha opsionet mbeten të hapura për të arritur objektivat e operacionit, përfshirë shkatërrimin e kapaciteteve raketore dhe të marinës iraniane. Raportimet tregojnë se trupat shtesë do të ndihmonin në sigurimin e rrugës detare në Ngushticën e Hormuzit dhe në operacione në ishullin Hargun, një pikë kyçe për eksportet e naftës iraniane, ku forcat amerikane kanë kryer sulme më 13 mars. Ky operacion konsiderohet i rrezikshëm për shkak të kapaciteteve raketore dhe dronëve iranianë, ndërsa Trump ka kërcënuar edhe me goditje të infrastrukturës së naftës, që do të ndikonte rëndë në ekonominë iraniane dhe çmimet globale të naftës.