Presidenti amerikan Donald Trump ka reaguar pas vendimit të Gjykatës së Lartë që shfuqizoi tarifat globale të vendosura prej tij vitin e kaluar, duke cilësuar vendimin si “të tmerrshëm” dhe duke kritikuar ashpër gjyqtarët. Ai ka njoftuar vendosjen e një tarife të re globale prej 10% bazuar në ligje të tjera tregtare, si Neni 122 i Ligjit të Tregtisë së vitit 1974, duke sinjalizuar se do të vazhdojë betejën ligjore për rimbursimet dhe tarifat. Gjykata me vendim 6-3 konstattoi se Trump kishte tejkaluar kompetencat e tij duke përdorur Ligjin e Fuqive Ekonomike të Emergjencës Ndërkombëtare (IEEPA) për tarifat, duke dhënë një fitore për bizneset dhe shtetet amerikane që kundërshtuan masat. Megjithatë, administrata Trump po eksploron alternativa ligjore për të zbatuar tarifat, duke theksuar se këto masa synojnë të nxisin investimet dhe prodhimin në SHBA, ndërsa sfida ligjore pritet të zgjasë për vite.