Disa orë para finales së Kupës së Botës midis Spanjës dhe Argjentinës në stadiumin MetLife në New Jersey, mijëra tifozë janë përballur me pritje të gjata dhe radhë të mëdha për shkak të kontrolleve të jashtëzakonshme të sigurisë. Këto masa janë vendosur për herë të parë në këtë kampionat nga policia amerikane, për shkak të pranisë së presidentit amerikan Donald Trump dhe zyrtarëve të lartë që do të ndjekin ndeshjen. Kontrolli i detajuar përfshin kontrollin e çantave, kalimin në detektorë metalesh dhe zbrazjen e xhepave, duke shkaktuar vonesa deri në tri orë për tifozët, gazetarët dhe mysafirët VIP, përfshirë edhe trajnerin Jurgen Klopp. Atmosfera jashtë stadiumit dominohet nga tifozët argjentinas, të cilët janë më të zhurmshëm dhe më të shumtë në numër krahasuar me mbështetësit e Spanjës.