Avioni luftarak KAAN, i zhvilluar nga industria turke, ka hyrë në fazën e testimeve tokësore me lëvizje në pistë, një hap ky që paraprin provat në fluturim. Turkish Aerospace Industries publikoi pamjet e para të prototipit, i cili ende nuk ka marrë ngjyrat përfundimtare, ndërsa po verifikohen sistemet e tij përpara fazës së fluturimeve. Ky avion i gjeneratës së pestë synon të zëvendësojë flotën e F-16-ve të Forcave Ajrore turke dhe të rivalizojë me avionët më modernë botërorë si F-35, J-20 dhe Su-57. Programi i zhvillimit vazhdon me prototipet P1 dhe P2, të pajisura me teknologji më të avancuar, ndërsa Turqia planifikon ta fusë në përdorim operacional në fillim të viteve 2030.