Lideri opozitar turk Özgür Özel, i shkarkuar nga posti i tij në CHP nga gjykatat në maj, ka njoftuar formimin e një partie të re me orientim socialdemokrat, që mund të bëhet menjëherë forca kryesore opozitare në vend. Ai ka paralajmëruar një fillim të ri dhe do të konsultohet me kryetarët vendorë dhe këshillin e partisë për themelimin e kësaj force politike, e cila pritet të marrë emrin “Partia e Re”. Sipas raporteve, rreth 80 nga 135 deputetët aktualë të CHP-së mund t’i bashkohen kësaj partie, duke e bërë atë rivalin kryesor të partisë në pushtet. Në sfond, CHP-ja ka qenë nën presion të madh nga sistemi gjyqësor turk, me shumë figura të opozitës në paraburgim dhe me vendime gjyqësore që kanë dobësuar udhëheqjen e saj, duke shkaktuar protesta dhe akuza për ndërhyrje politike nga ana e qeverisë së presidentit Erdoğan.