Presidenti turk Recep Tayyip Erdogan thekoi rëndësinë e përfshirjes së Turqisë në arkitekturën evropiane, duke e cilësuar atë si një element të domosdoshëm për menaxhimin e krizave dhe stabilitetin në kontinent. Ai u shpreh në Ditën e Evropës, duke kujtuar Deklaratën e Schumanit dhe vlerat themelore të Bashkimit Evropian, të cilat po sfidohen nga luftërat, paqëndrueshmëria politike dhe problemet ekonomike globale. Erdogan nënvizoi se Turqia mbetet një partner i pazëvendësueshëm dhe i përkushtuar ndaj bashkëpunimit me BE-në, duke kërkuar reciprocitet dhe angazhim të sinqertë nga blloku evropian. Ai përfundoi me shpresën që Dita e Evropës të sjellë paqe, prosperitet dhe solidaritet për të gjithë qytetarët e rajonit.