Presidentja e Sllovenisë, Natasha Pirc Musar, ka qenë në qendër të vëmendjes pas publikimeve që zbulojnë shtatë udhëtime të saj private në Rusi gjatë viteve të fundit, shpesh në shoqërinë e Viktorija Krivoluckës, shoqes së saj të ngushtë prej dy dekadash. Krivolucka ka lidhje të mëparshme personale me ish-zyrtarin e inteligjencës sllovene Roman Jegliq, një fakt që ka ngjallur dyshime dhe reagime nga mediat evropiane. Shërbimi slloven i inteligjencës SOVA ka deklaruar se gjatë verifikimit të sigurisë së Krivoluckës në vitin 2016 nuk janë gjetur rreziqe për sigurinë kombëtare. Zyra e presidentes ka theksuar se udhëtimet ishin private dhe se Pirc Musar ka vizituar mbi 80 vende para marrjes së detyrës, duke hedhur poshtë çdo interpretim tjetër të këtyre vizitave.