Ukraina ka goditur një urë hekurudhore, një termocentral dhe objektiva të tjerë kyç të infrastrukturës në gadishullin e Krimesë, në përpjekje për të izoluar këtë zonë jetësore të mbajtur nga Rusia që nga pushtimi i vitit 2014. Sulmet me dronë dhe raketa kanë shkaktuar probleme të mëdha në gadishullin e Detit të Zi, duke detyruar autoritetet ruse të pezullojnë shitjet e derivateve për civilët, ndërsa Ukraina synon ndërprerjen e linjave të furnizimit dhe rrjetit elektrik në kulmin e sezonit turistik veror. Kjo fushatë është pjesë e një strategjie më të gjerë ukrainase që përfshin edhe goditje në objektiva pranë Kremlinit në Moskë dhe në Shën Petersburg, duke treguar aftësinë e Kievit për të ushtruar presion mbi Rusinë. Presidenti rus Vladimir Putin ka reaguar duke akuzuar këto sulme për synimin e destabilizimit të shoqërisë ruse dhe krijimin e pasigurisë lidhur me veprimet e forcave të armatosura të vendit të tij.