Ukraina ka kryer sulme të koordinuara ndaj disa objektivave strategjikë të industrisë së naftës në Rusi, përfshirë rafineritë në rajonin e Samarës dhe një depo në Krasnodar, vetëm pak orë pasi SHBA-ja lehtësoi përkohësisht sanksionet mbi eksportin e naftës ruse. Autoritetet ruse raportuan zjarre dhe incidente në disa prej objekteve të goditura, ndërsa Ministria e Mbrojtjes mohoi sulmet duke thënë se kanë rrëzuar 258 dronë ukrainas gjatë natës. Komandanti ukrainas i forcave të dronëve e cilësoi vendimin amerikan si “cinik” dhe paralajmëroi se kjo do të ketë kosto në jetë për Ukrainën. Ndërkohë, ekspertët paralajmërojnë përshkallëzim të tensioneve dhe paqëndrueshmëri në tregjet globale të energjisë, ndërsa SHBA-ja synon të ulë presionin mbi çmimet e naftës me lehtësimin e sanksioneve deri më 16 maj.