Kina po përballet me një valë të re Covid-19 gjatë verës, me 79 mijë raste të regjistruara vetëm në korrik dhe 130 pacientë në gjendje të rëndë. Varianti dominues është Omicron NB.1.8.1, i cili ka një transmetim të moderuar, ndërsa shkalla e testeve pozitive ka shënuar rritje në javën e tretë të korrikut. Autoritetet shëndetësore theksojnë se shumica e të infektuarve kanë simptoma të lehta dhe nuk ka rritje të rasteve të rënda apo vdekjeve, duke përjashtuar nevojën për alarm. Megjithatë, rekomandohet që të moshuarit dhe personat me sëmundje kronike të marrin masa parandaluese si përdorimi i maskës dhe vaksinimi, ndërsa Organizata Botërore e Shëndetësisë e ka klasifikuar variantin si “nën monitorim”.