Gjermania ka regjistruar rreth 15 mijë e 800 viktima nga temperaturat e larta që nga fillimi i vitit 2026, sipas të dhënave të Institutit Robert Koch. Kjo shifër është më e larta që nga viti 2016 dhe tejkalon numrin e viktimave në çdo vit të plotë të mëparshëm, duke përfshirë vitin 2018 kur vendi përjetoi gjithashtu temperatura jashtëzakonisht të larta. Më shumë se gjysma e këtyre vdekjeve, rreth 9 mijë e 600, lidhen me valën rekord të të nxehtit në fund të qershorit, kur temperaturat arritën deri në 42 gradë Celsius në disa zona. Qershori 2026 u regjistrua si muaji më i nxehtë në Evropën Perëndimore, ndërsa viktimat e shkaktuara nga moti i nxehtë vazhduan edhe në periudhën nga fundi i korrikut deri në mesin e gushtit, me rreth 4 mijë vdekje shtesë. Numri përfundimtar i viktimave pritet të rritet pasi disa lande raportojnë të dhënat me vonesë.