Gjermania po përballet me pasoja të rënda nga temperaturat ekstreme këtë vit, me mbi 5,000 viktima të regjistruara si pasojë e valëve të të nxehtit, sipas Institutit Robert Koch për Shëndetin Publik. Numri i vdekjeve, që arrin në 5,120, përfshin edhe një periudhë të shkurtër në qershor kur u regjistruan mijëra raste të lidhura me nxehtësinë. Ekspertët theksojnë se këto vdekje janë shpesh pasojë e një kombinimi mes sëmundjeve ekzistuese dhe ekspozimit ndaj temperaturave të larta, ndërsa grupmosha mbi 85 vjeç është më e prekura. Gjermania ndodhet në një fazë tranzicioni ku valët e nxehtit po bëhen më të shpeshta, por infrastruktura dhe zakonet nuk janë përshtatur ende për të përballuar këto ndryshime klimatike.