Gazetari italian Esio Gavezzeni ka denoncuar një rrjet mercenarësh perëndimorë që gjatë luftës në Sarajevë (1992-1996) paguanin shuma të mëdha për të qëlluar mbi civilët, duke përfshirë rreth 500 persona, prej të cilëve 230 italianë. Ai përshkroi një sistem shpërblimesh me fishekë të gdhendur si “trofe” për pjesëmarrësit dhe theksoi se aktiviteti ishte i organizuar nga qytete si Londra dhe Brukseli, me lidhje me një kompani sigurie në Itali. Gazetari kroat Domagoj Margetiq publikoi një dokument të vitit 1993 që lidh presidentin serb Aleksandar Vuçiq me këtë rrjet, ku thuhet se një shtetas italian ka dhuruar para për njësinë e Slavko Aleksiqit, ndërsa Vuçiq është përmendur si vullnetar i njësisë dhe i përfshirë në dorëzimin e shumës. Dokumentet përfshijnë edhe urdhra për lëvizje të lirë të mysafirëve dhe shpërblime shtesë për mbështetjen logjistike ndaj vizitorëve të huaj, ndërsa prokuroria ka nisur hetimet për disa prej të dyshuarve.