Sot në Kolumbi zhvillohen zgjedhjet presidenciale në një klimë të tensionuar dhe dhune të rritur, më e rëndë që nga marrëveshja e paqes me FARC në 2016. Gara për pushtet përqendrohet midis së majtës, që mbështet vazhdimin e negociatave të paqes me grupet e armatosura, dhe së djathtës, që premton masa më të ashpra kundër krimit dhe forcimin e lidhjeve me SHBA-në. Presidenti aktual Gustavo Petro nuk mund të rikandidojë, por ndikimi i tij dhe politika sociale vazhdojnë të jenë pjesë e debatit elektoral. Me 14 kandidatë në garë, tre prej tyre janë favoritë kryesorë: Iván Cepeda nga e majta, Abelardo de la Espriella dhe Paloma Valencia nga e djathta, ndërsa nëse asnjëri nuk fiton shumicën, një raund i dytë do të mbahet më 21 qershor.