Një zjarr masiv ka përfshirë pyjet në rajonin e Toskanës, Itali, duke detyruar evakuimin e rreth 3,000 banorëve nga zonat e prekura. Flakët, të nxitura nga era e fortë, po përhapen me shpejtësi në një sipërfaqe prej më shumë se 800 hektarësh në Malin Faeta, duke prekur provincat Lucca dhe Pisa. Autoritetet po përdorin edhe aeroplanë specialë për të ndihmuar në shuarjen e zjarrit, por situata mbetet e vështirë dhe evakuime të mëtejshme nuk përjashtohen. Shkaku i zjarrit dyshohet të jetë djegia e degëve të ullinjve, ndërsa autoritetet paralajmërojnë se kontrolli i flakëve është i vështirë për shkak të kushteve të motit.