Presidenti i Francës, Emmanuel Macron, ka thirrur kabinetin e krizës për të adresuar situatën emergjente të zjarreve masive që po afrohen pranë qytetit jugperëndimor të Bordosë. Flakët ndodhen vetëm 15 kilometra larg qytetit, ndërsa një valë e re të nxehti pritet të përkeqësojë situatën dhe të vështirësojë punën e zjarrfikësve. Kryetari i Bashkisë së Bordosë, Thomas Cazenave, ka sqaruar se për momentin nuk ka plane për evakuim të 850 mijë banorëve, megjithatë situata mbetet e tensionuar. Gjatë javës së fundit, zjarret kanë përfshirë pjesë të mëdha të Francës dhe Spanjës, duke detyruar evakuimin e mbi 330 mijë personave, ndërsa Macron premton rindërtimin dhe mbështetjen e vazhdueshme për qytetarët e prekur.