Një zjarr i madh pyjor ka përfshirë rajonin verior të Aragonës në Spanjë, duke djegur mbi 45,000 hektarë tokë dhe detyruar evakuimin e qindra banorëve nga disa fshatra, përfshirë Ores, Asín, Luesia dhe Malpika de Arba. Flakët janë përhapur me shpejtësi për shkak të erërave të forta jugore, duke vështirësuar përpjekjet e zjarrfikësve dhe duke detyruar autoritetet të shpallin gjendjen e emergjencës së nivelit të dytë. Për të përballuar situatën, janë angazhuar forca ushtarake dhe pajisje të specializuara, ndërsa disa rrugë dhe autostrada janë mbyllur për sigurinë e banorëve. Kryeministri spanjoll Pedro Sánchez po ndjek nga afër zhvillimet dhe ka bërë thirrje për kujdes maksimal, ndërsa kjo është vala e dytë e zjarreve të mëdha që godet Spanjën brenda pak ditësh, pas një zjarri tragjik në Andaluzi që la 13 viktima.