Një zjarr i fuqishëm ka përfshirë rezervatin më të madh natyror të Belgjikës, High Fens, duke u cilësuar nga autoritetet si zjarri më i madh në dekadat e fundit në vend. Flakët kanë përfshirë rreth një të tretën e zonës, duke detyruar evakuimin e banorëve të dy fshatrave për shkak të rrezikut që zjarri të arrijë deri te shtëpitë e tyre. Për shuarjen e zjarrit janë angazhuar avionë dhe helikopterë nga vende të ndryshme evropiane, ndërsa terreni moçalor dhe kushtet atmosferike po e vështirësojnë shumë operacionin. Zjarri ka nisur të premten dhe vazhdon të mbetet jashtë kontrollit, duke shkaktuar shqetësim të madh për sigurinë e zonës dhe banorëve.