Nga data 1 korrik, në Zvicër hyjnë në fuqi rregulla të reja që detyrojnë operatorët e telefonisë celulare të bllokojnë thirrjet nga numra celularë të falsifikuar, duke ndaluar fenomenin e njohur si „Spoofing”. Kjo masë synon të mbrojë qytetarët, përfshirë komunitetin shqiptar, i cili për vite me radhë është shqetësuar nga thirrje të vazhdueshme dhe agresive nga kompani të pacertifikuara që përdorin numra zviceranë të rremë për të krijuar besim të rremë. Megjithatë, ekspertët paralajmërojnë se sistemi i ri nuk do të eliminojë plotësisht thirrjet bezdisëse, pasi mashtruesit mund të vazhdojnë të përdorin numra të rrjetit fiks, ku bllokimi është më i vështirë. Kjo nismë përbën një hap të rëndësishëm në luftën kundër call-centrave abuzivë dhe pritet të përmirësojë ndjeshëm sigurinë e përdoruesve të telefonisë në Zvicër.