Në vitin 2025, shoferët në Zvicër kaluan mbi 68,000 orë në kolona në autostrada dhe rrugë nacionale, duke shënuar një rekord historik. Sipas Zyrës Federale të Rrugëve (ASTRA), mbi 85% e këtyre vonesave janë shkaktuar nga mbingarkesa e trafikut, jo nga aksidentet apo punimet rrugore. Pikat më problematike përfshijnë akset rreth Zürichut, rajonin e Gjenevës, tunelin e Gotthardit dhe autostradën A1. Kjo situatë jo vetëm që i kushton kohë shoferëve, por edhe ekonomisë zvicerane me miliarda franga humbje për shkak të vonesave në transport dhe uljes së produktivitetit, duke ringjallur debatin për zgjerimin e rrugëve dhe forcimin e rrjetit hekurudhor.