Një komision parlamentar në Zvicër po shqyrton përfshirjen e një takse për punëtorët e huaj në paketën e ardhshme të marrëveshjeve me Bashkimin Evropian. Kjo taksë do t’u ngarkohet punëdhënësve dhe do të aplikohet edhe për personat që vijnë nëpërmjet bashkimit familjar, si pjesë e masave mbrojtëse për kontrollin e migracionit. Masa do të mund të aktivizohet përmes “klauzolës mbrojtëse” dhe do të përfshijë edhe shtetasit jashtë BE-së në rast nevoje. Parlamentarët zviceranë pritet të votojnë këtë propozim gjatë sesionit të vjeshtës që nis më 14 shtator, duke hapur rrugën për ndryshime të rëndësishme në politikën migratore dhe tregun e punës.