Zvicra ka krijuar rezervat strategjike të karburanteve që i dedikohen ekskluzivisht furnizimit të brendshëm dhe nuk është e detyruar t’i ndajë ato me vendet e tjera evropiane, ndryshe nga shtetet anëtare të Bashkimit Evropian që kanë detyrimin ligjor për solidaritet energjetik. Aktualisht furnizimi me naftë dhe benzinë në Zvicër është i qëndrueshëm, por situata është më e tensionuar për vajgurin, i cili garanton furnizimin e aeroporteve deri në fund të majit 2026. Në rast mungese, rezervat e detyrueshme mund të lirohen për tregun zviceran, ndërsa tregu mbetet i hapur dhe karburanti mund të blihet nga aktorë të huaj për rishitje jashtë vendit. Një përjashtim bëhet për gazin, ku ekziston një marrëveshje solidariteti midis Zvicrës, Italisë dhe Gjermanisë për të garantuar furnizimin e konsumatorëve prioritarë si familjet dhe shërbimet emergjente.