Ramiz Kelmendi, president i “Elkos Group”, priti në takim zyrtar drejtorin ekzekutiv të Odës Ekonomike Amerikane në Kosovë, Arian Zeka, ku diskutuan për thellimin e bashkëpunimit dhe zhvillimet politiko-ekonomike aktuale. Gjatë këtij takimi, Kelmendi u nderua me një mirënjohje për bashkëpunimin korrekt dhe të vazhdueshëm prej 22 vjetësh me Odën Ekonomike Amerikane në Kosovë. Ata trajtuan tema kyçe që lidhen me mundësitë për forcimin e marrëdhënieve profesionale dhe zhvillimin ekonomik në vend. Kelmendi theksoi rëndësinë strategjike të ruajtjes dhe avancimit të bashkëpunimit ekonomik ndërmjet Kosovës dhe Shteteve të Bashkuara të Amerikës, duke e konsideruar atë jetik për të ardhmen e vendit dhe popullit.