Qeveria VLEN ka nisur zbatimin e Planit Operativ për Punësim 2026, duke ofruar një fond prej 40 milionë eurosh për mbështetje në vetëpunësim dhe hapje biznesi. Përmes kësaj mase, të rinjtë deri në 29 vjeç mund të përfitojnë deri në 10 mijë euro, ndërsa personat mbi këtë moshë deri në 7 mijë euro, me mundësi mbështetje deri në 20 mijë euro për themelimin e kompanive së bashku. Plani synon të përfshijë mbi 10 mijë qytetarë dhe përfshin masa për hapjen e vendeve të reja të punës, trajnime, praktikë profesionale dhe mbështetje për kategori të ndryshme, përfshirë personat me aftësi të kufizuara. Aplikimet janë të hapura deri më 3 korrik, dhe VLEN inkurajon të rinjtë të shfrytëzojnë këtë mundësi për të ndërtuar të ardhmen në vendin e tyre.