Kryeministri në detyrë dhe kandidat për kryeministër, Albin Kurti, ka prezantuar një plan ambicioz për zhvillimin e sektorit minerar në Kosovë, duke e konsideruar atë si një shtyllë strategjike për ekonominë dhe sigurinë kombëtare. Në fokus është krijimi i një fondi prej 50 milionë eurosh për skanimin e plotë të burimeve minerare dhe natyrore të vendit, që do të shërbejë për shfrytëzimin e qëndrueshëm dhe zhvillimin industrial. Trepça do të jetë qendra kryesore e këtij zhvillimi, ku do të përfshihet edhe një korporatë minerare ndërkombëtare në bashkëpunim me një shtet mik, për të rritur investimet dhe hulumtimet edhe në zona të tjera me potencial. Ky projekt synon rritjen e prodhimit, hapjen e vendeve të reja të punës dhe forcimin e ekonomisë së Kosovës, duke qenë pjesë e programit të Lëvizjes Vetëvendosje.