Ministri në detyrë i Bujqësisë, Armend Muja, ka shpallur 65 përfituesit e LOT 2 në kuadër të Skemës së Granteve për Diversifikimin e Fermave dhe Zhvillimin e Bizneseve Rurale, një iniciativë e përbashkët me Qeverinë Gjermane përmes GIZ-it. Kjo skemë synon të rrisë konkurrueshmërinë dhe qëndrueshmërinë ekonomike të komuniteteve rurale në Kosovë, duke mbështetur investime në agroturizëm, përpunim produktesh bujqësore, bletari, akuakulturë dhe bimë mjekësore. Procesi i përzgjedhjes është zhvilluar në mënyrë transparente dhe profesionale, me një fokus të veçantë te përfshirja e grave fermere, të cilat do të kenë një rol kyç në zhvillimin rural dhe fuqizimin ekonomik të familjeve. Me përmbylljen e të tri loteve të skemës, pritet të krijohen vende të reja pune dhe të përmirësohet cilësia e jetës në zonat rurale të Kosovës.