Komuna e Prishtinës ka publikuar listën e 73 fermerëve që përfitojnë serra nga 2 ari, në kuadër të një thirrjeje për mbështetje të prodhimit vendor. Nga këta përfitues, 19 janë gra, të cilat me punë dhe përkushtim po tregojnë se toka mund të kthehet në mundësi dhe mirëqenie për familjet e tyre. Drejtoresha e Bujqësisë, Jeta Rafuna, thekson se pas çdo serre qëndron një familje, një ëndërr dhe një punë që ndërtohet me duart e veta, duke nënvizuar rëndësinë e investimit te fermerët si investim te ekonomia dhe e ardhmja e komunitetit. Ajo premton se mbështetja për fermerët do të vazhdojë dhe do të rritet, duke sjellë më shumë prodhim, punë dhe mundësi për qytetarët.