Një gjykatë rajonale në Zvicër ka vendosur se kompanitë mund t’u kërkojnë punonjësve të çregjistrohen nga orari i punës gjatë pushimeve për në tualet, nëse kjo masë është e arsyetuar dhe nuk krijon diskriminim. Vendimi erdhi pas një rasti në kantonin e Neuchâtelit, ku kompania Jean Singer et Cie kërkoi që punonjësit të regjistronin daljet për në tualet si pushime jashtë orarit të punës. Sindikata Unia kundërshtoi këtë masë, duke e konsideruar të padrejtë dhe diskriminuese, veçanërisht për gratë që kanë nevojë për më shumë kohë gjatë këtyre pushimeve. Gjykata theksoi se rregulli është i ligjshëm nëse kompania ka arsye objektive dhe merr masa për të shmangur diskriminimin, duke hapur një debat të rëndësishëm mbi të drejtat e punonjësve dhe menaxhimin e kohës në vendin e punës.