Biznesmeni Behgjet Pacolli ka reaguar lidhur me bllokimin e projektit të Aeroportit Ndërkombëtar të Vlorës, duke akuzuar institucionet shqiptare për pengimin e kompanisë së tij në kantier dhe moszbatimin e detyrimeve kontraktore. Ai thekson se projekti ishte në fazën përfundimtare dhe se kompania kishte kërkuar për muaj me radhë qasje për të përfunduar punimet, por pa sukses. Pacolli ka paralajmëruar se do t’i drejtohen arbitrazhit dhe drejtësisë për të mbrojtur të drejtat e kontratës, duke kërkuar gjithashtu hetime të plota dhe të pavarura për përgjegjësitë në këtë situatë. Ai shpreh bindjen se një proces ligjor do të nxjerrë në pah të vërtetat dhe përgjegjësitë, duke u zotuar transparencë të plotë ndaj qytetarëve shqiptarë.