Ministria e Ekonomisë së Kosovës ka njoftuar shtyrjen e afatit për aplikim në Skemën e Granteve për Energji të Pastër – Faza 2, e cila është dedikuar ndërmarrjeve mikro, të vogla dhe të mesme. Ky vendim është marrë në bashkëpunim me Agjencinë për Investime dhe Përkrahje të Ndërmarrjeve në Kosovë (KIESA) dhe Agjencinë e Luksemburgut për Bashkëpunim Zhvillimor (LuxDev), me qëllim që bizneset të kenë më shumë kohë për përgatitjen e dokumentacionit të nevojshëm. Afati i ri për aplikim është shtyrë deri më 9 gusht 2026, në orën 24:00, ndërsa kushtet dhe kriteret mbeten të pandryshuara. Ministria thekson se kjo shtyrje synon të rrisë pjesëmarrjen dhe të lehtësojë procesin për bizneset që dëshirojnë të përfitojnë nga kjo skemë mbështetëse.