Aleanca Kosovare e Bizneseve (AKB) dhe Oda e Përmbaruesve Privatë të Kosovës kanë nënshkruar një marrëveshje bashkëpunimi për të avancuar bashkëpunimin në fushat ekonomike, juridike dhe sociale. Qëllimi kryesor është rritja e informimit për bizneset lidhur me procedurat përmbarimore dhe mundësitë për arritjen e marrëveshjeve ndërmjet palëve. Kryetari i AKB-së, Agim Shahini, theksoi se kjo marrëveshje do të ngrejë nivelin e bashkëpunimit dhe do të mbrojë interesat e të gjitha palëve përfshirë edhe Oda e Avokatëve të Kosovës. Ndërsa, kryetari i Odës së Përmbaruesve, Mehdi Reshani, shtoi se përmes punëtorive dhe aktiviteteve të përbashkëta synohet rritja e profesionalizmit në trajtimin e çështjeve juridike dhe ekonomike, duke ndikuar pozitivisht në sektorin e biznesit dhe duke eliminuar zvarritjet e paarsyeshme në proceset përmbarimore.