Aleanca Kosovare e Bizneseve (AKB) ka konsideruar si diskriminuese dhe të padrejtë vendimin e Qeverisë së Kosovës për dhënien e pagës së 13-të vetëm për sektorin publik. Sipas AKB-së, ky vendim krijon ndarje në shoqëri duke favorizuar sektorin publik në kurriz të sektorit privat, i cili është bartësi kryesor i zhvillimit ekonomik dhe punëson shumicën e qytetarëve. AKB e sheh pagën e 13-të si një shpërblim selektiv dhe politik që cenon parimet e barazisë dhe konkurrencës së ndershme. Aleanca kërkon nga qeveria që të përfshijë edhe sektorin privat dhe kategoritë sociale në këtë përfitim, duke paralajmëruar se mosveprimi mund të dëmtojë klimën e biznesit dhe besimin në institucionet shtetërore.