Aleanca Kosovare e Bizneseve (AKB) ka reaguar ashpër ndaj propozimeve për heqjen e TVSH-së dhe akcizës për derivatet, duke i cilësuar këto kërkesa si të papërgjegjshme dhe pa bazë ligjore. Sipas AKB-së, ndryshimet në taksa të tilla mund të bëhen vetëm përmes procedurave ligjore dhe vendimmarrjes në Kuvendin e Kosovës, dhe jo përmes deklaratave publike apo presionit mediatik. Organizata thekson se këto thirrje krijojnë konfuzion te bizneset dhe qytetarët, duke dërguar mesazhe të gabuara për seriozitetin e përfaqësimit ekonomik dhe duke dëmtuar besueshmërinë e sektorit të biznesit. AKB i bën thirrje të gjithë aktorëve publikë të tregojnë maturi dhe profesionalizëm, duke theksuar se zhvillimi ekonomik kërkon politika të qëndrueshme dhe kompetencë, jo improvizime për efekt publik.