Agjencia Kosovare e Privatizimit (AKP) ka shpallur ofertën publike për qiradhënien e 604 pronave të ndryshme në rajone të ndryshme të Kosovës, duke përfshirë lokale afariste, parcela tokësore, depo dhe zyra. Pronat janë të shpërndara kryesisht në rajonin e Pejës me 433 njësi, Gjilanit me 131 prona dhe Mitrovicës me 40 prona, dhe janë të përshtatshme për aktivitete të ndryshme biznesore. Qiradhënia ofrohet në forma vjetore, mujore dhe komerciale, në varësi të natyrës së pronës, ndërsa afati i fundit për dorëzimin e ofertave është 28 prill 2026. Ofertat duhet të dorëzohen në zarf të mbyllur në zyrat rajonale të AKP-së, ku hapja e tyre do të bëhet në të njëjtën ditë, duke filluar nga ora 12:30, ndërsa informacionet e detajuara janë në dispozicion në faqen zyrtare të AKP-së dhe zyrat rajonale.