Autoriteti Kombëtar i Ushqimit (AKU) ka kryer kontrolle të gjera në të gjitha subjektet që importojnë, magazinojnë dhe tregtojnë plehun inorganik Ure, pas denoncimeve për përqindje të ulët të azotit dhe shkelje të tjera ligjore. Gjatë inspektimeve janë marrë 15 mostra të produktit, të cilat janë analizuar në laboratorin e Qendrës së Transferimit të Teknologjive Bujqësore në Fushë-Krujë. Rezultatet treguan se përqindja e azotit dhe treguesit fizikë të produktit janë në përputhje me deklarimet në etiketë dhe me kërkesat ligjore në fuqi. AKU mbetet në gatishmëri për kontrolle të mëtejshme dhe i bën thirrje fermerëve të raportojnë çdo dyshim për abuzime me inputet bujqësore, duke garantuar kështu sigurinë dhe cilësinë e produkteve në treg.