Alban Zogaj, kandidati për deputet nga Lidhja Demokratike e Kosovës, ka zhvilluar vizita në disa biznese në lagjen “Bregu i Diellit”, ku është njohur me sfidat dhe kërkesat e komunitetit të biznesit. Gjatë takimeve, ai dëgjoi idetë dhe pritjet e sipërmarrësve, duke theksuar se bizneset janë motori i zhvillimit ekonomik dhe krijojnë vende pune. Zogaj nënvizoi nevojën për mbështetje të vazhdueshme dhe konkrete për bizneset lokale, si një mënyrë për të zhvilluar ekonominë e vendit. Ai falënderoi komunitetin për mikpritjen dhe bisedat e sinqerta, duke shprehur angazhimin për një Kosovë më të zhvilluar dhe me më shumë mundësi për të gjithë.