Më 19 gusht 2026 do të mbahet ankandi i gjashtë i letrave me vlerë për këtë vit, ku do të emetohen obligacione me maturitet shtatëvjeçar në vlerë totale prej 15 milionë eurosh. Ministria e Financave e konsideron këtë investim si të sigurt dhe të garantuar me Ligjin për Borxhin Shtetëror dhe Garancitë Shtetërore, duke ofruar interes të përcaktuar nga tregu gjatë gjithë periudhës së maturimit. Të hyrat nga interesi janë tërësisht të liruara nga tatimi, duke e bërë këtë ofertë më tërheqëse për investitorët. Qytetarët dhe investitorët mund të marrin pjesë në ankand duke kontaktuar bankat komerciale që operojnë në Republikën e Kosovës.