Ministria e Financave ka njoftuar se më 8 qershor 2026 do të mbahet ankandi i tretë për vitin, ku do të emetohen obligacione me maturitet 3-vjeçar në vlerë prej 20 milionë euro. Investimi në këto obligacione konsiderohet i sigurt dhe i garantuar nga Ligji për Borxhin Shtetëror dhe Garancitë Shtetërore, me interes të përcaktuar nga tregu për të gjithë periudhën e maturimit. Përfituesit e këtyre obligacioneve përfitojnë lirimin total nga tatimi mbi interesin, duke e bërë këtë një mundësi të favorshme investimi. Personat e interesuar mund të kontaktojnë bankat komerciale që operojnë në Kosovë për detaje rreth pjesëmarrjes në ankand.