Rreth 600 ankesa janë paraqitur nga qytetarët për njehsorë elektrikë me afat të skaduar dhe dyshime për matje të pasakta të konsumit të energjisë. Edhe pse është konfirmuar se disa njehsorë kanë funksionuar jashtë afatit, kompania KESCO ende nuk ka nisur procesin e kompensimit për konsumatorët e dëmtuar. Nga ana tjetër, KEDS është duke trajtuar ankesat dhe po punon në korrigjimin e matjeve të gabuara, ndërsa Ministria e Industrisë ka shqiptuar gjoba ndaj KESCO-s për parregullsitë e konstatuara. Konsumatorë si Sejdi Gashi nga Fushë Kosova presin ende kompensimin, ndërsa autoritetet theksojnë se çdo njehsor i dëmtuar do të verifikohet dhe do të bëhet korrigjimi sipas procedurave ligjore në fuqi.