APR - Asistencë e Përgjithshme Rrugore dhe Oda e Infermierëve të Kosovës kanë nënshkruar një marrëveshje bashkëpunimi që synon të ofrojë kushte dhe oferta të veçanta për anëtarët e Odës. Kjo iniciativë ka për qëllim të rrisë sigurinë, përkujdesjen dhe mbështetjen për profesionistët shëndetësorë gjatë udhëtimeve të tyre të përditshme. Bashkëpunimi konsiderohet një shenjë mirënjohjeje për përkushtimin dhe kontributin e infermierëve në shoqëri, duke u dhënë atyre më shumë vlerësim dhe motivim. Përmes kësaj marrëveshjeje, APR dhe Oda e Infermierëve synojnë të sigurojnë mbrojtje dhe lehtësira që do të ndikojnë pozitivisht në përvojën e tyre gjatë lëvizjes në rrugë.