Ardian Gjini, kryetari i Aleancës dhe kandidati për kryeministër, ka nisur javën me një vizitë në Komunën e Vushtrrisë ku ka zhvilluar takime me ndërmarrës dhe të rinj. Ai ka vizituar fabrikën “BBI Plast” dhe ka vlerësuar rëndësinë e prodhimit vendor si një shtyllë të zhvillimit ekonomik, duke quajtur ndërmarrësit kosovarë “heronjtë e heshtur të ekonomisë”. Gjini ka diskutuar me të rinjtë për mundësitë e punësimit dhe përfshirjen e tyre në zhvillime inovative, duke theksuar se rinia është forca lëvizëse e të sotmes dhe jo vetëm e ardhmja. Ai falënderoi qytetarët për mbështetjen dhe theksoi se këto vizita në terren ndihmojnë në rikonfirmimin e prioriteteteve të Aleancës për zhvillim ekonomik dhe fuqizim të rinisë.