Administrata Tatimore e Kosovës ka rikujtuar bizneset për rrezikun që paraqesin faturat dhe transaksionet me biznese fiktive apo joaktive, të cilat nuk njihen për qëllime tatimore. Këto shpenzime nuk pranohen në Deklaratën e Tatimit në të Ardhura dhe nuk mund të përdoren për kreditim të zbritshëm të TVSH-së. ATK i bën thirrje bizneseve të verifikojnë partnerët para çdo bashkëpunimi për të shmangur përfshirjen në transaksione të parregullta dhe për të vepruar në përputhje me ligjin. Në rast të identifikimit të transaksioneve fiktive, do të ndërmerren masa ligjore ndaj të dy palëve, duke theksuar rëndësinë e respektimit të detyrimeve tatimore për një ekonomi më të drejtë dhe transparente.