Auditorja e Përgjithshme, Vlora Spanca, ka prezantuar realizimin e Planit Vjetor të Auditimit 2025/2026, duke përfshirë 24 raporte të ndryshme të auditimeve financiare, të pajtueshmërisë dhe të performancës. Një nga pikat kryesore të konferencës ishte auditimi i performancës së menaxhimit të shërbimit të grumbullimit të mbeturinave nga Komuna e Prishtinës dhe KRM Pastrimi, një temë me interes të madh publik për shkak të sfidave në këtë sektor. Gjithashtu u prezantuan rezultatet e auditimeve në ndërmarrje publike, ministri dhe komuna të tjera, duke evidentuar nivelin e menaxhimit financiar, zbatimin e rekomandimeve dhe sfidat institucionale. Raporti vjetor i performancës për vitin 2025 pasqyron punën dhe ndikimin e auditimeve në rritjen e transparencës dhe llogaridhënies në sektorin publik të Kosovës.