Autoriteti i Konkurrencës i Kosovës ka nisur monitorimin e tregut të karburanteve, me fokus të veçantë te çmimet e naftës dhe benzinës në pikat e shitjes me shumicë dhe pakicë. Ky proces synon të parandalojë marrëveshjet e ndaluara, abuzimin me pozitën dominuese dhe bashkërendimet që rrisin artificialisht çmimet apo kufizojnë konkurrencën në treg. Çmimet e karburanteve në tregjet ndërkombëtare ndikojnë në luhatjet e çmimeve në tregun vendor, dhe Autoriteti u bën thirrje bizneseve të respektojnë parimet e konkurrencës së lirë dhe të tregojnë përgjegjësi sociale ndaj konsumatorëve. Monitorimi po zhvillohet në koordinim me Ministrinë e Industrisë, Administratën Tatimore dhe Doganën, ndërsa së fundmi është vërejtur një rritje prej mbi 20 centë për litër në çmimin e naftës në Kosovë, pavarësisht se çmimi i importit është rritur vetëm pak.