Ministri i Bujqësisë, Armend Muja, ka nënshkruar vendimin për autorizimin e pagesës së detyrimeve të mbetura nga Programi i Pagesave Direkte për vitin 2025. Agjencia për Zhvillimin e Bujqësisë (AZHB) është e detyruar të fillojë menjëherë ekzekutimin e pagesave për të gjithë përfituesit e verifikuar sipas listave përfundimtare të miratuara. Pagesat do të realizohen nga buxheti i Republikës së Kosovës dhe në përputhje me procedurat e Thesarit, duke siguruar përmbushjen e kushteve financiare dhe procedurale. AZHB duhet të raportojë brenda 5 ditëve tek Ministri për progresin e realizimit të pagesave, ndërsa Departamenti për Buxhet dhe Financa bashkëpunon ngushtë me Thesarin për zbatimin e këtij procesi.