Guvernatori i Bankës Qendrore të Kosovës, Ahmet Ismaili, dhe ai i Bankës Qendrore të Emirateve të Bashkuara Arabe, Khaled Mohamed Balama, nënshkruan një Memorandum Mirëkuptimi në Abu Dhabi për të forcuar bashkëpunimin në mbikëqyrje, financa dhe teknologji financiare (FinTech). Kjo marrëveshje synon të avancojë shkëmbimin e informacionit dhe ekspertizës në fusha të ndryshme si politika monetare, masat makroprudenciale, mbrojtja e konsumatorëve financiarë, bankimi me parime islame dhe parandalimi i pastrimit të parave. Guvernatori i CBUAE-së theksoi rëndësinë e këtij bashkëpunimi në një kohë transformimesh të shpejta në sektorin financiar global, duke synuar rritjen e gatishmërisë dhe aftësisë së sektorit financiar për t’u përshtatur me ndryshimet. Ndërsa Ahmet Ismaili e cilësoi këtë memorandum si një moment historik për BQK-në, që pasqyron përkushtimin për zgjerimin e bashkëpunimit ndërkombëtar dhe modernizimin e sektorit financiar të Kosovës sipas standardeve ndërkombëtare.