Kryetari i Bordit të Dhomës së Tregtisë dhe Industrisë së Kosovës, Skender Krasniqi, dhe kryetarja e Komisionit Parlamentar për Ekonominë, Punësimin dhe Financat në Shqipëri, Milva Ekonomi, zhvilluan një takim ku diskutuan zgjerimin e bashkëpunimit ekonomik dhe tregtar ndërmjet dy vendeve. Gjatë bisedimeve u shkëmbyen ide dhe nisma konkrete për nxitjen e investimeve, lehtësimin e procedurave për bizneset dhe rritjen e bashkëpunimit ndërmjet sipërmarrjeve. Palët theksuan rëndësinë e bashkëpunimit mes institucioneve dhe komunitetit të biznesit si një faktor kyç për krijimin e mundësive të reja dhe zgjerimin e tregut. Ky hap konsiderohet vendimtar për zhvillimin ekonomik në të mirë të qytetarëve të Kosovës dhe Shqipërisë.